Prishtinë 4 Qershor 2026 8:49
Çmimet e naftës kanë pësuar rënie të enjten (04.06.2026), derisa marrëveshja e armëpushimit ndërmjet Izraelit dhe Libanit ka rritur shpresat për një marrëveshje më të gjerë që t’i jepet fund luftës së SHBA-së e Izraelit me Iranin, e që mund të rezultojë me rihapjen e Ngushticës së Hormuzit, raporton Reuters.
Çmimet e ardhshme të naftës Brent kanë rënë me 87 cent, ose 0.89%, në 96.92 dollarë për fuçi, ndërsa nafta amerikane bruto e West Texas Intermediate (WTI) ka rënë me 78 cent, ose 0.81%, në 95.24 dollarë, duke ulur fitimet nga fillimi i javës.
Si Brent, ashtu edhe WTI,u rritën me rreth 2% të mërkurën pas armiqësive të ripërtërira në Lindjen e Mesme, duke përfshirë sulmet iraniane ndaj Kuvajtit dhe ato ushtarake amerikane pranë Ngushticës së Hormuzit.
Izraeli dhe Libani kanë njoftuar të mërkurën vonë se u morën vesh të zbatojnë armëpushimin, duke ngjallur shpresat për marrëveshje ndërmjet Uashingtonit dhe Teheranit, i cili ka kushtëzuar çdo marrëveshje pjesërisht me përfundimin e luftimeve ndërmjet Izraelit dhe Libanit.
Presidenti i SHBA-së, Donald Trump, ka sugjeruar të mërkurën se mund të ketë përparim në negociatat me Iranin qysh në këtë fundjavë.
Ndërkohë, rezervat e naftës bruto të SHBA-së ranë me 8 milionë fuçi në 433.7 milionë fuçi në javën që përfundoi më 29 maj, ka njoftuar të mërkurën Administrata e Informacionit për Energjinë. Rënia ishte shumë më e madhe sesa pritja prej 4 milionë fuçish që analistët e kishin pritur në një sondazh të Reutersit.
Agjencia Ndërkombëtare e Energjisë ka paralajmëruar të martën se rezervat globale të naftës mund të bien në nivele kritike përpara kërkesës maksimale të verës nëse tërheqjet e rezervave vazhdojnë me ritmin aktual, pavarësisht se importet kineze të naftës bruto shënuan rënie prej 6 milionë fuçish në ditë në maj krahasuar me marsin.
Europol godet rrjetin e kontrabandës së migrantëve përmes Serbisë 
SHBA nis valë të re ajrore kundër Iranit 
Mali i Zi mbyll sot dy kapituj të tjerë negociatash me BE-në 
Shkon në 30 numri i të vdekurve nga zjarri në Bangkok, autoritetet hetojnë për neglizhencë 
SHBA-të nisin sulme të reja ndërsa Irani mbyll Ngushticën e Hormuzit 
Rriten çmimet e naftës pas sulmeve të reja të SHBA’së ndaj Iranit dhe rivendosjes së sanksioneve 
Helmohen disa punëtorë tek deponia në Sferkë, nisen për Spital 
Nënshkruhet marrëveshja e zbatimit për projektin “Fuqizimi Ekonomik i Grave” 
MAPL nuk lejon realizimin e muralit të ish-Patriarkut serb, Pavle, në hapësirën publike në Mitrovicë të Veriut 
Dy të vdekur dhe tre të lënduar nga një aksident i rëndë në Istog