Prishtinë, 17 maj 2026 09:22
Policia e Kosovës ka njoftuar se në një shtëpi të pabanuar e të vjetër në Crepule të Zubin Potokut kanë gjetur sërish armë, pajisje për pastrim të armëve, helmetë e uniformë ushtarake.
Armët e gjetura janë të llojit AK-47, një pushkë ajrore dhe një armë artizanale.
“Gjatë kontroll të një shtëpie të pa banuar (e vjetër) janë gjetur dhe sekuestruar një armë AK-47 me një karikator të zbrazët, nje pushkë ajrore me municion (diabolla), një armë artizanale, një fishek i kalibrit të madh (NK-1974), një helmete ushtarake, një çantë ushtarake me pajisje për pastrim të armëve, një uniforme ushtarake e kamufluar. Rasti është duke u hetuar nga njësitet kompetente policore”, thuhet në raportin 24-orësh të Policisë së Kosovës.
Edhe para pak ditësh, policia njoftoi se në Zubin-Potok është zbuluar dhe sekuestruar një sasi municioni dhe një uniformë me simbole të Serbisë, në një shtëpi të pabanuar. Gjatë kontrollit në objektin e pabanuar u gjetën 297 fishekë si dhe një uniformë me logo të Serbisë.
Vetëtima e mbyt një të ri në Suharekë 
Nëntë persona në pranga pas operacionit të përbashkët të Prokurorisë, Policisë, Doganës dhe ATK-së 
Lirim Ruhani është i riu që u mbyt në Batllavë 
Nga aksioni kundër krimit: Disa të arrestuar, sekuestrohen para të gatshme, dokumentacion dhe maune për derivate 
Policia e Krimeve Ekonomike në aksion të gjerë 
FSK nis operacionin e kërkim-shpëtimit për personin e zhdukur në Liqenin e Batllavës 
16 shtatori, dita e shpalljes së aktgjykimit ndaj Thaçit, Veselit, Selimit dhe Krasniqit 
Stërvitja “Combat Power 26”, në Kroaci, FSK merr pjesë krah ushtrive aleate