Prishtinë, 11 maj 2026 16:02
Punimet për objektin e ri të Emergjencës në Qendrën Klinike Universitare të Kosovës pritet të nisin shumë shpejt, duke rikthyer në funksion një projekt që kishte mbetur pezull për vite me radhë. Objekti i ri synon të rrisë kapacitetet për trajtimin e pacientëve dhe të lehtësojë mbingarkesën në Klinikën Emergjente aktuale, e cila përballet vazhdimisht me fluks të madh pacientësh.
Ministri në detyrë i Shëndetësisë, Arben Vitia, ka deklaruar se punimet për këtë projekt do të nisin së shpejti.
Sipas tij brenda 30 muajsh Kosova do ta ketë Klinikë Emergjente moderne me të gjitha shërbimet e nevojshme.
Sipas kontratës së nënshkruar nga Ministria e Shëndetësisë e Kosovës, vlera totale e projektit arrin në 8 milionë e 106 mijë e 238 euro. Klinika e re do të ketë pesë kate, rreth 17 mijë e 500 metra katrorë hapësirë dhe mbi 200 shtretër për pacientë, investim që konsiderohet ndër më të mëdhenjtë në infrastrukturën shëndetësore publike në vend.
Punimet për këtë projekt kishin nisur fillimisht në vitin 2016, por u ndërprenë për shkak të zvarritjeve dhe problemeve procedurale. Pas përfundimit të procedurave të tenderimit, tashmë është nënshkruar kontrata për vazhdimin e ndërtimit të Klinikës së re Emergjente.
Objekti i ri pritet të ndikojë në përmirësimin e shërbimeve emergjente dhe krijimin e kushteve më të mira për trajtimin e pacientëve në nivel terciar shëndetësor.
Dogana e Kosovës pjesë e forumit më të lartë vendimmarrës të Organizatës Botërore të Doganave 
Gara: Serbia vazhdon të bllokojë zbardhjen e fatit të të zhdukurve, në Batajnicë dyshohet edhe për 58 viktima 
Historianët e rinj kundërshtojnë narrativën serbe për Betejën e Kosovës 
Tromp, për vendimin final në Hagë: Do të ketë kompromis, dikush do të lirohet e dikush do të dënohet 
AUV-i, apel operatorëve ekonomikë dhe qytetarëve: Respektoni rregullat për ruajtjen e ushqimit gjatë verës 
Maqedonci: Besimi ndaj FSK-së dëshmi e punës dhe përkushtimit 
Kryediplomati kroat: Kroacia vazhdon mbështetjen ndaj Kosovës 
Mitrovica funksionalizon shërbimin për ndërhyrje të vogla kirurgjike në Qendrën Kryesore të Mjekësisë Familjare 
Instituti i Shëndetësisë Publike apelon për kujdes shkaku i temperaturave të larta gjatë fundjavës