Debati në Parlamentin e Serbisë: Kot me Veselinoviqin, Radoiqiqin dhe Malin, Serbia nuk ju do më

Beograd, 13 Qershor 2025

Të Enjten në Kuvendin e Serbisë është zhvilluar një debat i ashpër mes shumicës parlamentare dhe përfaqësuesve të opozitës. “E keni sjellë Serbinë në një përmbysje të realitetit. Nuk e dimë më se në cilën Matricë jetojmë. Çfarëdo që kërkon kushdo nga Serbia, ju ua jepni për të qëndruar në pushtet dhe për të torturuar popullin tuaj. E keni skllavëruar popullin tuaj më keq se çdo pushtues. Ju jeni mongolët serbë që pushtuan këtë vend dhe po shikoni se çfarë do të mbetet pas jush. Keni shkatërruar gjithçka dhe keni arritur në një situatë ku presidenti i vendit bëhet president i Çacilandit dhe mbron atë mediokritet nga Doboj”.

“Një vend i tillë nuk është regjistruar në botë, që është në luftë me të ardhmen e tij dhe i kërcënon ata, dhe i quan fashistë dhe nazistë. Por as mediokriteti dhe as i pashpirti nuk do të jenë më me ju. Kot me Zvonko Veselinoviq, kot me Milan Radoiçiq, kot me vilat që po ndërton ministri Siniša Mali, gjithçka është për asgjë, ju jeni në gjunjë. Serbia nuk do t’ju dojë më. Po shkoni në koshin e plehrave të historisë”, ishin disa nga akuzat e deputetëve opozitar drejtuar pushtetit.