Prishtinë 9 Maj 2026 10:59
Sektori i turizmit në Kosovë ka vazhduar trendin pozitiv të rritjes edhe gjatë vitit 2026, me një numër më të madh vizitorësh vendorë dhe të huaj, që kanë qëndruar në hotelet e vendit gjatë muajit mars.
Sipas të dhënave të publikuara, në mars 2026 janë regjistruar gjithsej 46 mijë e 649 vizitorë në hotele, duke shënuar një rritje prej 15.9 për qind krahasuar me të njëjtën periudhë të vitit të kaluar, kur numri i vizitorëve ishte 40 mijë e 239.
Nga numri i përgjithshëm, 19 mijë e 180 kanë qenë vizitorë vendorë, ndërsa 27 mijë e 469 vizitorë të huaj, çka tregon për interesimin në rritje të turistëve ndërkombëtarë për Kosovën si destinacion.
Rritje është shënuar edhe në numrin e net-qëndrimeve. Gjatë muajit mars janë regjistruar 94 mijë e 804 net-qëndrime në hotele, prej të cilave 52 mijë e 226 ose 55 për qind janë realizuar nga turistët e huaj, ndërsa 42 mijë e 578 nga vizitorët vendorë.
Sipas statistikave, numri i vizitorëve të huaj është rritur për 9.1 për qind krahasuar me marsin e vitit 2025. Pjesa më e madhe e turistëve kanë ardhur nga Shqipëria, Gjermania, Turqia dhe Zvicra, shtete që vazhdojnë të mbeten ndër burimet kryesore të vizitorëve në Kosovë.
Rritja e numrit të turistëve po konsiderohet si tregues i zhvillimit gradual të sektorit të turizmit dhe i interesimit në rritje për ofertën turistike të Kosovës. /
Dogana e Kosovës pjesë e forumit më të lartë vendimmarrës të Organizatës Botërore të Doganave 
Gara: Serbia vazhdon të bllokojë zbardhjen e fatit të të zhdukurve, në Batajnicë dyshohet edhe për 58 viktima 
Historianët e rinj kundërshtojnë narrativën serbe për Betejën e Kosovës 
Tromp, për vendimin final në Hagë: Do të ketë kompromis, dikush do të lirohet e dikush do të dënohet 
AUV-i, apel operatorëve ekonomikë dhe qytetarëve: Respektoni rregullat për ruajtjen e ushqimit gjatë verës 
Maqedonci: Besimi ndaj FSK-së dëshmi e punës dhe përkushtimit 
Kryediplomati kroat: Kroacia vazhdon mbështetjen ndaj Kosovës 
Mitrovica funksionalizon shërbimin për ndërhyrje të vogla kirurgjike në Qendrën Kryesore të Mjekësisë Familjare 
Instituti i Shëndetësisë Publike apelon për kujdes shkaku i temperaturave të larta gjatë fundjavës