Prishtinë, 21 Korrik 2025
Me kërkesë të Prokurorisë Speciale, seanca ndaj të tre akuzuarve lidhur me sulmin terrorist të 24 shtatorit 2023 në fshatin Banjskë të Zveçanit do të vazhdojë me dyer të mbyllura për opinionin.
Vendimi është marrë pasi do të dëgjohet një dëshmitar anonim, ekspozimi i të cilit sipas prokurorit special, Naim Abazi, përbën rrezik real për sigurinë personale dhe për procedurën penale.
“Çdo ekspozim i pranisë së tij tek mediat që lidhen me identitetin e tij para publikut, përbën rrezik real për sigurine personale dhe për procedurën penale. Ruajtja e anonimitetit të tij është kusht për dhënien e dëshmisë së tij, prandaj kërkojmë që kjo pjesë e procesit gjyqësor të zhvillohet pa praninë e mediave dhe publikut”, ka thënë prokurori special, Naim Abazi.
Kërkesën e Abazit e ka aprovuar kryetari i trupit gjykues, Arben Hoti me arsyetimin se masat e ndërmarra nga gjykata për ndryshimin e figurës dhe zërit nuk janë të mjaftueshme për të përmbushur qëllimin për këtë dëshmitar.
“Aprovohet propozimi i Prokurorisë që për dëgjimin e këtij dëshmitari të përjashtohen mediat dhe publiku, ngaqë masat e ndërmarra nga Gjykata për ndryshimin e figurës dhe zërit nuk janë të mjaftueshme për të përmbushur qëllimin për këtë dëshmitar. Bazuar në rrethanat e këtij rasti për të cilat do të dëshmojë, ka gjasa qe të zbulohet identiteti.”, është shprehur kryetari i trupit gjykues, Arben Hoti .
Nisin punimet për stabilizimin e rrëshqitjes në rrugën Klinë–Gurrakoc, investohen mbi 373 mijë euro 
Vdekjet në punë mbeten shqetësim shoqëror – 31 viktima vitin e kaluar, 12 të tjera këtë vit 
Kosova synon përafrimin me standardet evropiane përmes reformave në akreditim 
Himni i Kosovës sot mbush 18 vjet 
Në Prishtinë u hap Muzeu “Eksodi ‘99” 
Prishtina sot shënon 27 vjetorin e çlirimit 
Komuna e Pejës ndan afro 170 mijë euro për mirëmbajtjen e rrugëve në Rugovë