Anulohet vendimi për paraburgim për policët e përfshirë në rastin e vdekjes së Agon Zejnullahut

Prishtinë, 21 Korrik 2025

Gjykata e Apelit e ka anuluar aktvendimi i Gjykatës Themelore në Prishtinë, Dega në Lipjan, për paraburgimin e 5 policëve të përfshirë në rastin e vdekjes së Agon Fejzullahut në Lipjan dhe çështjen e ka kthyer në rivendosje.

“Gjykata e Apelit e Kosovës – Departamenti i Përgjithshëm, ka aprovuar ankesat e mbrojtësve së të pandehurve I.N., A.R., A.K., L.Rr. dhe E.B., si dhe sipas detyrës zyrtare ka anuluar aktvendimin e Gjykatës Themelore në Prishtinë, Dega në Lipjan – Departamenti i Përgjithshëm, PPr.nr.41/2025, të datës 09.07.2025, duke e kthyer çështjen në rigjykim”, thuhet në njoftim.

Gjykata Themelore  të pandehurve u ka caktuar masën e paraburgimit në kohëzgjatje prej 1 (një) muaji, për shkak të dyshimit se kanë kryer veprën penale vrasje nga pakujdesia.

“Gjykata e Apelit e Kosovës – Departamenti i Përgjithshëm, i ka aprovuar ankesat e mbrojtësve së të pandehurve I.N., A.R., A.K., L.Rr. dhe E.B., si dhe sipas detyrës zyrtare ka anuluar aktvendimin e lartcekur, duke e kthyer çështjen në rigjykim. Kolegji gjykues ka konstatuar se aktvendimi i ankimuar përmban shkelje të dispozitave të procedurës penale të cilat kushtëzojnë anulimin e tij”, thuhet nw njoftim.

Gjykata e Apelit ka vlerësuar se aktvendimi i ankimuar nuk përmban “analizën dhe vlerësimin e provave relevante, të besueshme dhe me fuqi provuese për të konstatuar dhe për të vërtetuar se ekziston dyshimi i bazuar se të pandehurit kanë kryer veprën penale për të cilën pretendohet”.

Në aktvendimin e Gjykatës së Apelit i është propozuar gjykatës së shkallës së parë t’i evitojë të gjitha shkeljet e konstatuara në aktvendimin e ankimuar.

Pesë zyrtarët policorë, dyshohet se e shkaktuan vdekjen e 27-vjeçarit gjatë arrestimit të tij.