Prishtinë, 29 prill 2026 11:29
Gjykata Themelore në Prishtinë ka shqiptuar vendimin ndaj të pandehurit Slobodan Radenkoviq, duke e dënuar me 2 vjet burgim dhe 15 mijë euro gjobë për ngjarjet e 29 majit 2023 në Komunën e Zveçanit.
Radenkoviq ishte akuzuar për sulmet ndaj pjesëtarëve të KFOR-it dhe Policisë së Kosovës, ku sipas aktakuzës ai kishte marrë pjesë në turmën që përdori dhunë, mjete të forta, mjete shpërthyese të improvizuara dhe armë zjarri.
Nga këto sulme u lënduan të paktën 30 pjesëtarë të KFOR-it, disa prej tyre me plagë të rënda, si edhe zyrtarë policorë që ishin në detyrë për ruajtjen e rendit dhe sigurisë.
Në seancë, i pandehuri ka pranuar fajësinë dhe ka pranuar dënimin e shqiptuar nga gjykata. Ai u dënua me 2 vjet burgim për veprën penale “Sulm ndaj personit zyrtar”, ndërsa për veprën “Pjesëmarrja në turmë që kryen vepër penale dhe huliganizëm” iu shqiptua gjobë në vlerë prej 15 mijë eurosh.
Sipas aktakuzës së Prokurorisë Speciale, veprimet e tij dhe të grupit kishin rrezikuar seriozisht jetën e zyrtarëve dhe kishin shkaktuar dëme materiale, përfshirë djegien e disa automjeteve të KFOR-it, Policisë së Kosovës dhe mediave që raportonin nga vendi i ngjarjes.
Nisin hetimet në Serbi për lirimin e Radoiçiqit pas sulmit në Banjskë 
FSK-së i shtohen 12 kamionë ushtarakë, dhjetëra të tjerë priten më 2027 
Kosova gati për Gazën, FSK-ja pret thirrjen për dislokim 
209 rekrutë të rinj nisin stërvitjen ushtarake në FSK 
FSK-ja avancon përgatitjen ushtarake përmes bashkëpunimit ndërkombëtar 
Maqedonci: Gjatë pesë viteve u rekrutuan 3,220 ushtarë të rinj në FSK 
Dy serbë nga Mali i Zi që luftojnë për Rusinë kërcënojnë kryeministrin Kurti 
Kurti: Aktgjykimi ndaj ish-krerëve të UÇK-së duhet të korrigjohet sa më parë 
Kërcënohen me vrasje Ramush dhe Daut Haradinaj 
As serbët nga veriu i Kosovës nuk i dhanë mbështetje të plotë Aleksandar Vuçiçit