Prishtinë 23 Mars 2026 11:23
Forca e Sigurisë së Kosovës thotë se në kuadër të zhvillimit profesional dhe ngritjes së kapaciteteve udhëheqëse, në Komandën e Doktrinës dhe Stërvitjes ka përfunduar me sukses certifikimi i dy kurseve, sipas tyre, të rëndësishme: Kursi për Lider të Avancuar “Gjenerata 17-2026” dhe Kursi për Lider Luftarak “Gjenerata 24-2026”.
Këto kurse, thotë FSK-ja, përfaqësojnë një hap të rëndësishëm në përgatitjen e kuadrove për përballimin e sfidave bashkëkohore, duke forcuar aftësitë e lidershipit, vendimmarrjes dhe menaxhimit në situata komplekse operacionale dhe taktike.
“Gjatë realizimit të tyre, pjesëmarrësit kaluan nëpër një proces intensiv trajnimi, duke zhvilluar aftësi praktike dhe teorike të nevojshme për udhëheqje efektive në çdo nivel të përgjegjësisë”, ka bërë të ditur Forca e sigurisë.
Sipas tyre, përmes këtij certifikimi, pjesëmarrësit dëshmuan përkushtim, profesionalizëm dhe gatishmëri për të marrë përgjegjësi më të larta në shërbim të misionit.
“KDS mbetet e përkushtuar në zhvillimin e liderëve të aftë, të disiplinuar dhe të përgatitur për sfidat e së ardhmes”, thotë FSK-ja.
Sveçla pas dënimit të Gjukanoviqit: Institucionet do të vazhdojnë pa kompromis luftën kundër spiunazhit 
Miratohet marrëveshja për tregti të lirë ndërmjet Kosovës dhe shteteve të EFTA-s 
Haxhiu paralajmëron për sonte seancën për presidentin 
Spiunja serbe Jelena Gjukanoviq dënohet me 6 vjet burgim 
Kuvendi miraton marrëveshjen me Shqipërinë për Lojërat Mesdhetare “Prishtina 2030” 
BIA serbe manipuloi raportet e OSBE-së kundër Kosovës, përmes Jelena Gjukanoviqit 
Feride Rushiti merr vetëm 63 vota, seanca për presidentin vazhdon nesër 
Seancë e jashtëzakonshme për presidentin në ora 20:30, propozohen Feride Rushiti dhe Hatixhe Hoxha 
Konjufca e Mulhaxha-Kollçaku tërheqin kandidaturat për president 
Iranianët i paraqesin SHBA-së një propozim të ri