Prishtinë 21 Mars 2026 16:44
Njohësi i çështjeve ekonomike, Lulzim Beqiri ka ngritur shqetësimin për mosrespektimin e marzhës së fitimit të caktuar nga Ministria e Industrisë, Ndërmarrësisë dhe Tregtisë MINT nga disa pika të karburanteve në vend.
Sipas tij, kjo situatë ka ndikim të drejtpërdrejtë në ekonominë e qytetarëve, duke rritur koston e jetesës.
“Kjo ndikon drejtpërdrejt dhe mjaft ndjeshëm në ekonominë e qytetarëve. Rritja e çmimit të naftës prek koston e jetesës. Nafta është input bazë për transportin, prodhimin dhe shpërndarjen e mallrave. Kur rritet çmimi i saj, bizneset i transferojnë këto kosto te konsumatorët, duke rritur çmimet e ushqimeve dhe shërbimeve. Kemi efekt zinxhir në inflacion. Goditet buxheti familjar”, tha Beqiri.
Beqiri shton se nëse çmimet vazhdojnë të rriten pavarësisht marzhës së caktuar nga MINT, kjo tregon për probleme në zbatim dhe mbikëqyrje të tregut.
“Nëse çmimet rriten pavarësisht marzhës së caktuar nga MINT, kjo tregon për probleme në zbatim dhe mbikëqyrje të tregut. Në teori, kufizimi i marzhës duhet të stabilizojë çmimet, por në praktikë ato ndikohen edhe nga çmimet ndërkombëtare, kursi i këmbimit dhe konkurrenca reale në treg. Zgjidhja nuk është vetëm vendosja e marzhës, por monitorimi real i tregut, transparenca e çmimeve dhe konkurrenca efektive”, thotë ai.
Kurti: Nevojitet strategji shtetërore për reagim ndaj verdiktit të Speciales 
Nata e katërt e protestës në Prishtinë kundër aktgjykimit të Speciales 
Personi i tretë i identifikuar nga 23 të zhvarrosurit në Zubin Potok, është Sali Mziu 
Në mesin e 23 të zhvarrosurve në Zubin Potok konfirmohen edhe veprimtarët e çështjes kombëtare Adem Beqiri dhe Idriz Rrreci 
Shënohen dy viktima dhe shtatë të infektuar nga virusi i Nilit Perëndimor në Kosovë 
Identifikohen tri viktima nga varrezat në Zubin-Potok, i përkasin “Grupit të Intelektualëve” 
Është ndarë nga jeta ish-futbollisti i njohur gjakovar, Roland “Llolla” Kryeziu, një nga emrat e njohur të sportit në Gjakovë 
Dy serbë të ndaluar në Jarinjë, pesë thika dhe “simbole nacionaliste” të sekuestruara