Prishtinë 21 Mars 2026 9:02
Delegacioni i Doganës së Kosovës ka marrë pjesë në takimin e parë të Grupit të Projektit për Electronic Proof of Certificates (e-PoC), i cili organizohet nga Komisioni Evropian.
Bazuar në njoftimin e lëshuar për media, ky takim përfaqëson një hap të rëndësishëm në avancimin e projektit e-PoC për formalitetin EUR1 në kuadër të Konventës PEM, duke adresuar çështje kyçe që lidhen me zhvillimin legjislativ, modelimin e proceseve të biznesit, si dhe forcimin e sistemeve të bashkëpunimit administrativ dhe të licencimit elektronik në nivel të BE-së.
Përmes njoftimit, Dogana e Kosovës ka theksuar se pret me interes vazhdimin e diskutimeve konstruktive, veçanërisht në drejtim të strukturimit të nën-grupeve të punës, ndarjes së përgjegjësive dhe zbatimit të ardhshëm të projektit në administratat pjesëmarrëse.
“Dogana e Kosovës kontribuon aktivisht, duke sjellë ekspertizë të konsoliduar në fushën e proceseve dhe digjitalizimit, në funksion të thellimit të bashkëpunimit rajonal dhe evropian në sektorin doganor. Shprehim mirënjohje të veçantë për Komisionin Evropian dhe ekipin e Programit të Doganave për organizimin dhe koordinimin e kësaj nisme të rëndësishme”, thuhet në njoftim.
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës 
Aksion ndërkombëtar kundër mashtrimeve me investime, bastisen pesë lokacione në Kosovë – arrestohen tre persona 
Demokratët marrin kontrollin e të dy dhomave të Kongresit amerikan, goditje politike për Trumpin