Prishtinë, 20 mars 2026 16:47
Posta e Kosovës, në bashkëpunim me Fakultetin e Shkencave Matematike-Natyrore, përkatësisht Katedrën e Biologjisë, ka lansuar emisionin më të ri të pullave postare me temë “Bimët e shkrepave gurore të Kosovës”.
Hapësirat shkëmbore të Kosovës strehojnë një florë të veçantë dhe të qëndrueshme, e përshtatur për të mbijetuar në kushte të ashpra. Pavarësisht terrenit të thatë dhe sfidues, këto bimë dallohen për formën e tyre unike dhe përfaqësojnë bukurinë e egër dhe qëndrueshmërinë e natyrës sonë, duke qenë një pjesë e rëndësishme e trashëgimisë botanike të vendit.
Në kuadër të këtij emisioni, qytetarëve u vihen në dispozicion dy pulla postare, një bllok filatelik dhe Zarfi i Ditës së Parë, të cilat do të jenë në qarkullim postar deri në konsumimin e plotë.
Posta e Kosovës u bën thirrje koleksionistëve, institucioneve dhe qytetarëve që t’i shtojnë këto pulla në koleksionet e tyre, duke theksuar se ato, përveç funksionit komunikues, shërbejnë edhe si promovuese të vlerave natyrore dhe kulturore të Kosovës në botë.
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës