Në Shtime po ndërtohen tri parqe të reja për fëmijë

Shtime, 11 mars 2026 15:58

Kryetari i Shtime, Qemajl Aliu, ka bërë të ditur se në këtë komunë ka nisur ndërtimi i tri parqeve të reja për fëmijë, me qëllim krijimin e më shumë hapësirave rekreative për banorët dhe veçanërisht për më të vegjlit.

Sipas tij, investimet janë pjesë e përpjekjeve të komunës për të përmirësuar infrastrukturën publike dhe për të rritur mundësitë e aktiviteteve në natyrë nëpër lokalitete të ndryshme të komunës.
Aliu ka njoftuar se një nga këto parqe tashmë është përfunduar në fshatin Gllavicë, ndërsa dy të tjera janë duke u ndërtuar në Lagjja e Pajtimit dhe në fshatin Vojnoc.

Kryetari theksoi se këto projekte synojnë të krijojnë ambiente të sigurta dhe të përshtatshme për lojë dhe rekreacion për fëmijët, si dhe të përmirësojnë cilësinë e jetesës për familjet në këto zona.