Prishtinë 6 Mars 2026 14:00
Komandanti i Forcës së Sigurisë së Kosovës, gjenerallejtënant Bashkim Jashari realizoi një videokonferencë me komandantin e Forcës Ndërkombëtare Stabilizuese (International Stabilization Force), gjeneralmajor Jasper Jeffers III nga ushtria e Shteteve të Bashkuara të Amerikës për të bërë koordinimet e nevojshme për dislokimin e FSK-së në rripin e Gazas.
Me këtë rast gjeneral Jashari falënderoi gjeneralin Jeffers dhe përmes tij ushtrinë e SHBA-së, për ftesën drejtuar FSK-së për të marrë pjesë në këtë operacion ndërkombëtar në rripin e Gazas.
Gjithashtu komandanti i FSK-së, konfirmoi gatishmërinë e FSK-së për pjesëmarrje në këtë operacion ndërkombëtar me një kontingjent duke theksuar që FSK-ja është ushtri profesionale, e trajnuar me standarde të NATO-s dhe e gatshme të eksportoi siguri kurdo që një gjë e tillë kërkohet nga ushtritë e shteteve partnere, e në këtë rast të SHBA-së.
Në fund të takimit, gjenerali Jeffers III falënderoi gjeneral Jasharin për gatishmërinë e FSK-së për të ofruar siguri në lindjen e mesme, duke qenë partner serioz dhe promovuese e paqes dhe stabilitetit në botë.
Rusia e zhvendos luftën përtej frontit, sa e përgatitur është Kosova për kërcënimet hibride? 
Nisin hetimet në Serbi për lirimin e Radoiçiqit pas sulmit në Banjskë 
FSK-së i shtohen 12 kamionë ushtarakë, dhjetëra të tjerë priten më 2027 
Kosova gati për Gazën, FSK-ja pret thirrjen për dislokim 
209 rekrutë të rinj nisin stërvitjen ushtarake në FSK 
FSK-ja avancon përgatitjen ushtarake përmes bashkëpunimit ndërkombëtar 
Dyshohet për vrasje të rëndë në Gjilan, arrestohet 65-vjeçari 
Kurti: Eksporti është rritur për 27.5 për qind krahasuar me vitin 2021 
Gjenden të vdekur një 27-vjeçar dhe një foshnje në Demiraj të Gjilanit