Prishtinë, 13 Korrik 2025
Kryeministri në detyrë i Republikës së Kosovës, Albin Kurti, ka zhvilluar një darkë pune në rezidencën e ambasadorit amerikan në Kosovë, ku është pritur nga e ngarkuara me punë në Ambasadën e SHBA-së, Anu Prattipati, dhe ka takuar zyrtarin e lartë të Departamentit Amerikan të Shtetit për Çështje Evropiane, Brendan Hanrahan.
Në këtë takim, Kurti ishte i shoqëruar nga ministrja në detyrë e Ekonomisë, Artane Rizvanolli dhe ministri në detyrë për Komunitete dhe Kthim, Nenad Rashiq.
Kurti i uroi mirëseardhje Hanrahan-it dhe theksoi se Shtetet e Bashkuara të Amerikës janë një aleat i palëkundur për Kosovën, ndërsa potencoi se Republika e Kosovës do të jetë gjithmonë një partner i besueshëm për SHBA-në.
Ai ka shprehur falënderime në emër të tij dhe të popullit të Kosovës për mbështetjen e vazhdueshme të SHBA-së.
Në darkën e organizuar nga Prattipati, temë diskutimi ishin marrëdhëniet bilaterale mes Kosovës dhe SHBA-së, përfshirë në fushat e diplomacisë, investimeve dhe mbrojtjes.
Kurti ka shprehur gatishmëri për thellimin e bashkëpunimit ndërmjet dy vendeve.
Diskutimi është zgjeruar edhe në zhvillimet politike në vend, bashkëpunimin rajonal dhe raportet me Serbinë.
Bajrami: Kosova meriton më shumë nga BE-ja 
Paunoviq mbron deklaratën për “spastrim etnkik” të Kosovës 
Qeveria miraton nismën për aderimin e Kosovës në zonën “EU Roam Like Home” 
Kurti: Formimi i institucioneve të reja është përgjegjësi e të gjitha partive politike 
Haxhiu cakton 6 gushtin për seancën konstituive të Kuvendit 
Asët e “botës serbe” u aktivizuan përsëri, këtë herë në Plevle në Mal të Zi 
Për gjashtë muaj, 46 viktima në 45 aksidente fatale 
Kosova e mbyll me fitore Kampionatin Ballkanik U17, mposht Moldavinë në tre sete 
Boksieri shqiptar përballet sonte me Anthony Joshuan 
Lirohet i riu nga Kosova që u ndalua nga policia serbe në Horgosh