Prishtinë 4 Mars 2026 12:02
Në kuadër të shënimit të 18-vjetorit të Pavarësisë së Republikës së Kosovës, Ambasada e Republikës së Kosovës në Norvegji, në bashkëpunim me Filharmoninë e Kosovës, organizon një mbrëmje të veçantë koncertale në Oslo.
Koncerti do të mbahet më 5 mars 2026, duke filluar nga ora 18:00, në ambientet e Oslo Konserthus (Lille Sal).
Në këtë mbrëmje festive do të performojë “Reverie Quartet”, i përbërë nga anëtarë të Filharmonisë së Kosovës, së bashku me sopranon e njohur Besa Llugiqi. Programi i koncertit përfshin vepra nga mjeshtërit e muzikës klasike botërore, si dhe perla të përzgjedhura nga krijimtaria muzikore shqiptare.
Sipas Ambasadës së Republikës së Kosovës në Norvegji ky aktivitet synon të promovojë kulturën dhe artin kosovar në Norvegji, duke forcuar lidhjet kulturore mes dy vendeve dhe duke ofruar për publikun një përjetim të veçantë artistik.
Ambasada ka ftuar bashkatdhetarët dhe artdashësit në Oslo që të bëhen pjesë e kësaj mbrëmjeje solemne me muzikën e Kosovës.
Libri i poetit të njohur Agim Vinca do të promovohet në Mal të Zi 
Korab Blakaj boton librin “Shqiptari përballë rrënimit”, një analizë e thellë mbi krizën shqiptare 
Kosova në Bienalen e Venecias me “Hard Teeth” 
Orkestra e Filharmonisë së Kosovës mbajti koncert me program të pasur 
Baleti Kombëtar i Kosovës me “Carmina Burana” në Kolumbi 
Kurti me mëngjes i jep përkrahje filmit: Sukses historik, “Dua” përfaqëson Kosovën në Kanë! 
Kurti: I ofrojmë LDK-së edhe 15 nënshkrime për kandidatin e tyre, Hoxha u dakordua të tërhiqet 
Seanca për Presidentin shtyhet në ora 23:00 
Kore antishqiptare në Shkup: “Shqiptari i vdekur është shqiptari i mirë” – autoritetet nisin hetimet 
Lirohet nga burgu në Beograd ish-pjesëtari i UÇK-së, Mit’hat Lozhani