Prishtinë 28 Shkurt 2026 11:01
Université des cultures de Genève organizon koncert me Arbëreshët e Kalabrisë në Gjenevë.
Université des cultures de Genève ka njoftuar organizimin e një koncerti të veçantë kushtuar kulturës arbëreshe të Kalabrisë, i cili do të mbahet më 7 mars 2026 në Gjenevë, shkruan albinfo.ch.
Sipas njoftimit zyrtar, në këtë aktivitet do të interpretojë grupi muzikor “Okarina” nga Gjeneva, si dhe dy grupe të njohura arbëreshe nga Italia: “Gjaku i Arbërit” nga Frascineto dhe “Këngëtarët e Motit” nga zona Lungro–Firmo në Kalabri.Koncerti “Les Arbëresh de Calabre” synon të promovojë trashëgiminë kulturore, muzikën tradicionale dhe identitetin e komunitetit arbëresh, i cili prej shekujsh ruan gjuhën dhe zakonet shqiptare në jug të Italisë. Programi përfshin këngë arbëreshe dhe këngë qytetare, duke sjellë një ndërthurje të traditës me elemente artistike bashkëkohore, shkruan tutje albinfo.ch.
Ngjarja do të zhvillohet në Sallën du Môle në Gjenevë, me hapjen e dyerve nga ora 18:00, ndërsa organizatorët kanë paralajmëruar edhe pjesë shoqëruese me bar dhe momente bashkëbisedimi për pjesëmarrësit.
Ky koncert përbën një mundësi të rëndësishme për të forcuar lidhjet mes komunitetit shqiptar dhe publikut ndërkombëtar në Gjenevë, duke promovuar vlerat kulturore dhe historike të arbëreshëve të Kalabrisë.
Kosova mirëpret kulturat nga Amerika Latine dhe Evropa deri në Ballkan, përmes ngjarjes “N’Karadak Krisin Tupanat” 
Nga Praga, Orkestra `Amadeus` i sjell Kosovës medaljen e artë 
Artisti Liburn Jupolli me vepër artistike në nderim të viktimave të masakrave në Kosovë 
Hapet gara për festivalin `Akordet e Kosovës 2026` 
Filmi kosovar “Shame and Money” fiton çmimin CineMasters Award në Filmfest München 
Sunny Hill, diplomaci kulturore dhe urë mes Kosovës e diasporës 
Reagon edhe Departamenti Amerikan i Shtetit ndaj deklaratës së ministrës serbe për “spastrim etnik në Kosovë” 
Parandalohet mashtrimi me 21 prona në Mitrovicë, tre persona të arrestuar 
Deklarata skandaloze e ministres serbe, eurodeputeti çek: Serbia të përjashtohet nga negociatat me BE’në 
KE konfirmon pranimin e raportit të Kosovës për Planin e Rritjes