Pesë serbë të dyshuar për krime lufte në Skenderaj, paraburgimi i tyre zgjatet për 48 orë

Prishtinë, 2 mars 2026 21:32

Për krimet që dyshohet që i bënë, pas me shumë se 27 viteve u sollën para drejtësisë.

Ratko Krakoviq, Goran Tomaseviq, Sinisha Tomaseviq, Predrag Tomaseviq dhe Nebojsha Tomaseviq  të hënë dolën para trupit gjykues.

Ndonëse të njëjtit nuk u panë tek hynë brenda gjykatës, jashtë saj po prisnin familjarët e të dyshuarve.

Seanca për caktimin e masës së paraburgimit zgjati disa orë.

E para gazetarëve, avokatja e njërit prej serbëve të arrestuar, bëri të ditur se masa e ndalimit, me vendim të gjykatës, u shtye edhe për 48 orë.

“Sa i përket zgjidhjes, ende nuk e dimë se cila do të jetë ajo. Ne të gjithë i kërkuam gjyqtarit të mendojë me kujdes kur të marrë një vendim për ata njerëz që janë pritës, kanë familjet e tyre, kanë jetuar atje për vite me radhë, që jetojnë me fqinjë që dyshohet se janë të listuar si dëshmitarë dhe bashkëpunojnë me ta, Tani i takon gjyqtarit të vendosë. Paraburgimi i tyre, është zgjatur edhe për 48 orë të tjera derisa të merret një vendim”,ka thënë Krivokapiq.

Të dielën, përvec arrestimeve, Policia e Kosovës gjatë bastisjes në objektet e banimit të të dyshuarve, ka konfiskuar edhe armë zjarri si dhe uniforma të ish-ushtrise jugosllave.