Kosova përfiton mbi 10 milionë dollarë për shëndetësinë nga “Pandemic Fund

Prishtinë 27 Shkurt 2026 14:51

Ministri Arben Vitia ka bërë të ditur se Ministria e Shëndetësisë ka përfituar 10,063,676.00 dollarë amerikanë nga raundi i tretë i financimit të Pandemic Fund.

Më 12 shkurt 2026, Bordi Drejtues i Pandemic Fund ndau gjithsej 499.6 milionë dollarë për 20 projekte në mbarë botën, duke mobilizuar mbi 4 miliardë dollarë financim shtesë nga partnerë të ndryshëm. Kosova është një nga vendet përfituese përmes projektit MAKE READY.

Ky projekt do të ndihmojë në:

Përmirësimin e identifikimit të hershëm të rreziqeve shëndetësore

Reagim më të shpejtë ndaj emergjencave

Forcimin e sistemeve laboratorike

Menaxhim më efikas të emergjencave të shëndetit publik

“Ministria e Shëndetësisë shpreh mirënjohje ndaj Pandemic Fund dhe partnerëve ndërkombëtarë për mbështetjen e vazhdueshme në forcimin e sistemit shëndetësor të Republikës së Kosovës”, ka thënë Vitia.