Nismë e përbashkët për siguri më të mirë dhe reagim më të shpejtë në situata emergjente

Nismë e përbashkët për siguri më të mirë dhe reagim më të shpejtë në situata emergjente

Sot në hapësirat e Komunës së Mitrovicës Veriore është mbajtur një takim pune ndërmjet drejtorit të Drejtorisë për Siguri dhe Emergjenca të Mitrovicës së Jugut, z. Bahtir Maxhuni, dhe drejtorit të Drejtorisë për Siguri dhe Emergjenca të Mitrovicës Veriore, z. Tahir Mikullovci, bashkë me bashkëpunëtorët e tyre.

Tema kryesore e takimit ishte forcimi i bashkëpunimit ndërinstitucional në fushën e sigurisë dhe menaxhimit të situatave emergjente. U diskutua për përmirësimin e koordinimit në raste emergjente, organizimin e trajnimeve të përbashkëta, si dhe krijimin e mekanizmave për shkëmbim të informacionit në kohë reale.

Të dy palët shprehën gatishmërinë për të punuar në mënyrë të vazhdueshme për thellimin e bashkëpunimit, me marrëveshje për mbajtjen e takimeve të rregullta, me qëllim të rritjes së efikasitetit dhe cilësisë së shërbimeve për qytetarët e Mitrovicës së Veriut dhe të Jugut.

Hapat e tillë paraqesin një themel të rëndësishëm për reagim të përbashkët ndaj sfidave dhe kontribuojnë në një shoqëri më të sigurt dhe më të qëndrueshme për të gjithë qytetarët.