Gjilan, 15 shkurt 2026 11:50
Katër shtetas të Serbisë janë arrestuar në dy raste të ndara në rajonin e Gjilanit, nën dyshimin për kalim ilegal të kufirit.
Sipas njoftimit të Policisë së Kosovës, rasti i parë është regjistruar më 14 shkurt 2026, rreth orës 10:40, në fshatin Pogragjë të Gjilanit. Njësia policore ka ndaluar një veturë në të cilën ndodheshin dy persona të dyshuar, të cilët dyshohet se kishin hyrë në territorin e Kosovës përmes rrugëve ilegale. Me vendim të prokurorit, pas intervistimit, të dyshuarit janë arrestuar dhe dërguar në mbajtje.
Ndërkaq, rasti i dytë ka ndodhur po ashtu më 14 shkurt 2026, rreth orës 13:00, në fshatin Stublinë, Gjilan. Edhe në këtë rast, policia ka ndaluar një veturë me dy të dyshuar meshkuj, shtetas të Serbisë, të cilët dyshohet se kanë hyrë ilegalisht në Kosovë. Në konsultim me prokurorin është iniciuar rasti dhe të dyshuarit janë dërguar në mbajtje.
Policia ka bërë të ditur se veturat dhe telefonat celularë të të dyshuarve janë sekuestruar përkohësisht, ndërsa hetimet lidhur me këto raste po vazhdojnë.
Të shtëna me armë zjarri në Lipjan, plagoset një person pas një mosmarrëveshjeje 
Aksident me fatalitet në Vragoli, humb jetën një këmbësor e lëndohen dy të tjerë 
Kërkohet paraburgim ndaj shtetasit të Serbisë që u zu në flagrancë duke importuar armë 
Arrestohet shoferi i dehur që shkaktoi aksidentin fatal në magjistralen Mitrovicë-Prishtinë 
Goditet rrjeti i rekrutimit të punëtorëve me skuter nga Turqia 
Policia mohon arrestimin e shtetasit turk: U paraqit si ankues, pas intervistimit u lirua 
Shkarkohet nga detyra kryeprokurori i Gjykatës Ndërkombëtare Penale 
Policia: Krimet e luftës të raportohen vetëm te Drejtoria për Hetim