Fillon sanimi i urës në Vaganicë pas dëmeve nga vërshimet

Mitrovicë, 12 shkurt 2026 08:22

Kanë nisur punimet për rregullimin e urës në fshatin Vaganicë, e cila pësoi dëme të konsiderueshme si pasojë e vërshimeve të fundit të shkaktuara nga lumi Lushta.

Kryetari i Komunës, Faton Peci, së bashku me Drejtorin për Shërbime Publike dhe Infrastrukturë, Naser Muja, kanë vizituar nga afër punimet që po zhvillohen në këtë segment të rëndësishëm të infrastrukturës lokale.
Sipas njoftimit zyrtar, Drejtoria për Shërbime Publike dhe Infrastrukturë ka ndërmarrë veprime të menjëhershme për sanimin e dëmeve, me qëllim parandalimin e përkeqësimit të situatës dhe garantimin e sigurisë në qarkullimin e qytetarëve.

Punimet pritet të përfundojnë në afatin më të shkurtër të mundshëm, duke rikthyer funksionalitetin e plotë të urës.