Prishtinë, 08 Korrik 2025
Një stuhi e fortë breshëri ka shkulur pemë dhe çati në Kroaci, teksa qindra zjarre shpërthyen në Serbinë fqinje të martën, pas një periudhe moti jashtëzakonisht të nxehtë në disa pjesë të rajonit të Ballkanit.
Një stuhi e shkurtër, por e fuqishme, goditi portin e Splitit në Detin Adriatik të Kroacisë gjatë mëngjesit, raporton AP.
Erërat e forta dhe breshëri dëmtuan çatinë e stadiumit të futbollit të qytetit dhe nxorrën një traget në port, i cili më pas ka goditur dy anije të tjera, duke shkaktuar fundosjen e njërës prej tyre.
Nuk u raportuan të lënduar nga stuhia, por zyrtarët e emergjencës raportuan dëme të mëdha në të gjithë qytetin.
Portali i lajmeve Index ka raportuar se zyrat dhe fusha e stadiumit Poljud të Splitit janë dëmtuar, ashtu sikur edhe çatia.
Kroacia dhe pjesa tjetër e Ballkanit kanë përjetuar ditëve të fundit një valë të nxehti me temperatura që arritën deri në 40 gradë celsius.
Meteorologët kanë paralajmëruar se priten ditë më të ftohta, me temperatura që pritet të bien në rreth 20 gradë celsius në disa zona.
Ekspertët thonë se kushtet ekstreme të motit mund të lidhen me ndryshimet klimatike.
Mot jashtëzakonisht i nxehtë dhe zjarre të egra u raportuan në të gjithë Evropën në fillim të korrikut.
Begaj: Bostoni, mbështetje e fortë për Shqipërinë e Kosovën 
Haxhiu shpreh solidaritet me popullin amerikan pas sulmit në Uashington 
Inspektimet në ndërtimtari, për dy ditë në 27 raste u ndaluan punimet 
Masa të rrepta për testin e maturës, deri 20 mijë euro gjobë për ata që “ndihmojnë” nxënësit të kopjojnë 
KEK-u thotë se është stabilizuar sistemi i elektrofiltrave në “Kosova A” 
Hetime për ndotjen e ajrit në Obiliq, Prokuroria autorizon Policinë për rastin e KEK-ut 
Balidemaj: Siguria në Kosovë mbetet e rëndësishme për Gjermaninë 
Një fëmijë bie në Liqenin Akumulues në Mitrovicë, nxirret me shenja jete