Policia gjen sërish armë e municion në një shtëpi në veri

Prishtinë, 28 janar 2026 21:09

Policia ka gjetur sërish armë e municion dhe mjete të tjera ilegale në veri të vendit.

Policët kanë bastisur më pas një shtëpi të braktisur në lagjen Bërxhane, Mitrovicë.

Aty janë gjetur dhe sekuestruar:

• Një karikator të zbrazet për arme te gjate;
  • Një bajonet;
  • Shishe plastike e mbushur me saqme;
  • Kapsula për fishek;
  • Sasi e barutit;
  • Një rryp brezi ushtarak;
  • Një mine kunder këmbësorik;
  • Pjese per mbushje te fishekëve;
  • Detonator për mine;
  • Targa te automjetit te ish Milicisë
  • Tre fishek te armës se gjuetisë;
  • Trembëdhjetë (13) fishek te kalibrave te ndryshëm;
  • Dy (2) fishek te kalibrit 12.7 mm;
  • Dy (2) fishek te kalibrit 20 mm
  • Dy (2) gëzhoja te kalibrit 12.7 mm;
  • Një xhakete ushtarake dimerore;
  • Një palë doreza ushtarake;
  • Katër këmisha te Policisë se Serbisë.

Pasi që është hasur material i rrezikshëm eksplodues në vendngjarje kanë dalë edhe Njësia për trajtimin e mjeteve eksploduese (NJTME), të cilët kanë tërhequr sasinë e barutit, fishekët e kalibrit 12.7 mm si dhe 20 mm e po ashtu edhe minën kundër këmbësoria me detonatorin.