Prishtinë 19 Janar 2026 15:26
Autoriteti Rregullativ i Komunikimeve Elektronike dhe Postare (ARKEP) ka lëshuar një paralajmërim për qytetarët lidhur me përhapjen e mesazheve mashtruese përmes SMS dhe iMessage, të cilat synojnë vjedhjen e të dhënave personale dhe bankare.
Sipas ARKEP-it, këto mesazhe shfaqen kryesisht me përmbajtje si “Përditësimi i të dhënave të bankës” apo “Gjoba në trafik”, duke i nxitur qytetarët të klikojnë në linqe të dyshimta.
Përmes komunikatës, ARKEP-i u ka bërë thirrje qytetarëve që të mos klikojnë në asnjë lidhje të dërguar përmes mesazheve të tilla dhe të mos japin të dhëna personale, financiare apo informacione të ndjeshme përmes platformave të pasigurta.
“Kujdes nga SMS/iMessage mashtrues ‘Përditësimi i të dhënave të bankës’/’Gjoba në trafik’. Mos klikoni në linqe të dyshimta. Për më shumë vizito web/FB të ARKEP-it”, thuhet në njoftimin e këtij autoriteti.
Ditë më parë Banka Qendrore e Kosovës ka bërë thirrje për kujdes nga qytetarët ndaj siç thuhet një fushate mashtruese që po qarkullon aktualisht përmes mesazheve.
Në thirrjen e BQK-së thuhet se mesazhet paraqiten në mënyrë të rreme si njoftime nga bankat komerciale, me qëllim mashtrimin dhe vjedhjen e të dhënave financiare.
Këto mesazhe thuhet se mund të përmbajnë lidhje të rreme dhe kërkesa urgjente për veprim.
Sveçla: Kosova është dëshmi e lirisë me sakrificën e dëshmorëve e martirëve 
Historianë e profesorë zbardhin dëshmi të krimeve serbe në Vushtrri gjatë luftës 
Brenda vagonit të kujtesës, Haxhiu viziton Muzeun “Eksodi ’99” në Prishtinë 
Bashkimi i Sindikatave të Pavarura të Kosovës kërkon ndërprerjen e punës në ndërtimtari gjatë orëve të pikut të temperaturave 
Mbahet takimi i parë i Grupit Koordinues, Gërvalla: Siguria do të mbetet prioritet i yni për secilin person që përballet me dhunë 
Shtyhet gjykimi ndaj Ramadan Morinës për krime lufte 
Terras: Shumë e rëndësishme që Kosova të fitojë statusin e vendit kandidat 
Kosova mbetet cak i ndërhyrjeve të huaja e fushatave dezinformuese