Prishtinë 14 Janar 2026 17:10
Komandanti i Forcës së Sigurisë së Kosovës, Gjenerallejtënant Bashkim Jashari është duke realizuar vizitën zyrtare në shtetin e Iowa të SHBA-ve, me ftesë të Agjutantit të Përgjithshëm të Gardës Kombëtare të Iowa, Gjeneral Major Stephen Osborn.
“Gjatë vizitës GLT Jashari mori pjesë në adresimin vjetor të Guvernatores së Shtetit të Iowa, Kim Reynolds para asamblesë së përgjithshme të Iowa. Me këtë rast u vlerësua lartë bashkëpunimi në mes të dy shteteve si një storie suksesi dhe njëherit u theksua rëndësia e thellimit të bashkëpunimit në të ardhmen. Për më tepër, vizita e GLT Jasharit në SHBA shënon marrëdhëniet e shkëlqyera në mes të dy shteteve dhe forcave tona të armatosura”, thuhet në njoftimin e FSK-së.
Jashari gjithashtu ka diskutuar me Osborn për programin e partneritetit shtetëror (State Partnership Program), sfidat e sigurisë dhe aktivitetet e tjera të përbashkëta në mes të dy forcave të armatosura.
Koeficienti i pagave pritet të rritet në 120 euro nga korriku i vitit 2027, paralajmëron Kurti 
Pantiqi merret në pyetje nga Prokuroria për rastin e Ukshin Hotit 
Dogana e Kosovës arkëton 186.6 milionë euro të hyra gjatë tetorit 
Pantiq e Zariq dalin para Gjykatës si të akuzuarve për krime lufte 
Nis hetimi parlamentar për vrasjen e Arlinda Zekajt, nëntë ditë pas ngjarjes 
Kurti: Eksporti është rritur për 27.5 për qind krahasuar me vitin 2021 
Spajiç kërkon hetim parlamentar për ndikimin e mundshëm të Serbisë në mediat dhe bizneset e Malit të Zi