Prishtinë 14 Janar 2026 16:54
Presidentja e vendit, Vjosa Osmani, ka pranuar sot letrat kredenciale të ambasadores së re të Estonisë në Kosovë, Karin Anna Maandi, duke i uruar mirëseardhje dhe sukses në detyrën e saj diplomatike.
Gjatë ceremonisë, Presidentja Osmani e përgëzoi ambasadoren Maandi për emërimin, duke shprehur bindjen se mandati i saj do të ndikojë në thellimin e marrëdhënieve ndërmjet Kosovës dhe Estonisë. Ajo vlerësoi lart mbështetjen e vazhdueshme dhe parimore të Estonisë ndaj pavarësisë, sovranitetit dhe forcimit të pozitës ndërkombëtare të Kosovës.
Osmani theksoi se Kosova është e linjëzuar me politikat e Bashkimit Evropian, ndërsa falënderoi Estoninë për përkrahjen e saj të vazhdueshme ndaj aspiratave evropiane të vendit, përfshirë statusin e kandidatit për BE dhe anëtarësimin në Këshillin e Evropës.
Në takim u diskutua edhe për zgjerimin e bashkëpunimit në fusha kyçe si mbrojtja, digjitalizimi, shërbimet publike elektronike, siguria kibernetike dhe integrimi euroatlantik, fusha në të cilat Estonia konsiderohet partnere e rëndësishme për Kosovën.
Sa u përket zhvillimeve rajonale, Presidentja Osmani riafirmoi përkushtimin e Kosovës për paqe, siguri dhe stabilitet në Ballkanin Perëndimor, duke vlerësuar kontributin e Estonisë në sigurinë evropiane dhe mbështetjen e saj të vazhdueshme për Kosovën në arenën ndërkombëtare.
Haxhiu kërkon dënimin e retorikës serbe 
Kandiç i kërkon Serbisë të përballet me krimet e luftës 
Avokati Ivan Niniq kërkon rishikim të punës së Prokurorisë Publike për krim të organizuar në rastin “Panda” të vitit 1998 
Serbia propagandon për “sulm ndaj serbëve”, Kosova e vendosur në zbatim të ligjit 
Kongresisti Wilson i kërkon Serbisë t’i ndalë kërcënimet ndaj Kosovës dhe të shkëputet nga Rusia, Kina e Irani 
Konstituimi i Kuvendit, Haxhiu fton në takim kryetarët e partive 
Pas aksidenteve fatale, shteti forcon mbikëqyrjen e vendeve të punës me teknologji 
Kosova mirëpret elitën e xhudos në Kampin Ndërkombëtar 
Pengesë në hetimet për rastin “Panda” në Pejë: BIA serbe nuk lejoi marrjen në pyetje të Vuçiqit 
Ballkani do ta kërkojë përmbysjen e madhe sonte në Evropë