Vuçiq – nga autokrat në diktator të zhveshur: Si u transformua presidenti gjatë bllokadave studentore

Beogradi, 7 Korrik 2025

Për vetëm shtatë muaj që zgjasin bllokadat studentore, presidenti i Serbisë, Aleksandar Vuçiq, ka kaluar me sukses rrugën nga autokrat në diktator të plotë, i cili me qytetarët përballet me shkopinj gome dhe arrestime. Nuk mbetet pas as në shënjestrimin e mediave, të cilat së fundmi i quajti “terroristë”.

“Të dal t’i shaj, të dal të rrihem, të nxjerr Kobrat (njësi elitare e policisë speciale që ka kryer krime në Bosnjë dhe Kosovë) t’i shpërndajmë të gjithë – nuk do të duhej më shumë se gjashtë-shtatë sekonda”, ka thënë ai.

“Tani po kalojmë në fazën e ekstremizmit të plotë me plehra dhe kontejnerë. Ata e kanë kthyer revolucionin e bllokadës në një revolucion kontejnerësh dhe njerëzit do t’i mbajnë mend për plehrat nëpër rrugë. Kjo thjesht nuk meriton asnjë respekt, por gjithmonë më vjen keq kur shoh se aty ka fëmijë 17-vjeçarë, të rinj prej 18, 19, 20 vjetësh. Por fakti që nuk jeni mjaftueshëm të pjekur apo të rritur nuk do të thotë se mund t’i shkelni ligjet. Prandaj këshilla dhe lutja ime atërore ishte që të mos e bëjnë këtë, por nuk ka dobi,” deklaroi Vuçiq.

Represionin që po shohim këto ditë në rrugët e Serbisë, analistët e shohin si pasojë e një shoqërie të zhytur në hipokrizi, krim dhe korrupsion.