Prishtinë, 11 janar 2026 17:51
Drejtoria për Arsim në Komunën e Fushë Kosovës ka njoftuar se fillimi i gjysmëvjetorit të dytë në institucionet arsimore të kësaj komune është shtyrë deri më 19 janar 2026.
Sipas njoftimit zyrtar, ky vendim është marrë për shkak të gjendjes aktuale të krijuar nga kushtet e pafavorshme atmosferike. Reshjet e shiut dhe borës kanë vështirësuar qarkullimin, ndërsa në disa shkolla janë evidentuar probleme edhe me sigurimin e ngrohjes.
Drejtoria Komunale e Arsimit ka vlerësuar se, në këto rrethana, nuk janë krijuar kushtet minimale për zhvillimin normal të procesit mësimor. Vendimi, theksohet më tej, është marrë në funksion të sigurisë së nxënësve dhe stafit arsimor, si dhe për të garantuar mbarëvajtjen e rregullt të procesit arsimor.
Autoritetet komunale u kanë bërë thirrje drejtuesve të institucioneve arsimore që të njoftojnë me kohë stafin mësimdhënës dhe prindërit lidhur me këtë shtyrje.
Për çdo informatë shtesë ose ndryshim eventual, publiku do të informohet përmes kanaleve zyrtare të Komunës së Fushë Kosovës.
Edhe Komuna e Malishevës ka njoftuar se ka shtyrë fillimin e gjysmevjetorit të dytë.
“Njoftim për nxënës dhe mësimdhënës
Mësimi në shkollat e Komunës së Malishevës shtyhet deri më 14 janar 2026”, thuhet në njoftimin e kësaj komune.
Shpallet gjendje emergjente në sektorin e mbeturinave në Fushë Kosovë 
Qeveria e Kosovës dhe Komuna e Deçanit investojnë mbi 2.6 milionë euro për banim social 
Bastisje në Kamenicë, arrestohen dy drejtorë të shkollave paralele serbe 
Komuna e Pejës ndan afro 170 mijë euro për mirëmbajtjen e rrugëve në Rugovë 
Suhareka do të bëhet me Qendër Kryesore të Mjekësisë Familjare të re, investim prej 4 milionë euro 
775 mijë euro investim për furnizim më të mirë me ujë në katër fshatra të Mitrovicës 
Ish-pjesëtari i ISIS-it dënohet për spiunazh te BIA serbe 
Profesionalizmi i hetuesve kosovarë çon në zbardhjen e rrjeteve kriminale përmes Sky ECC 
Investim i ri në shëndetësi: Peja pajiset me tomografi moderne, nga 1 korriku në shërbim të pacientëve 
Dokumentar – Rrëfimet për të zhdukurit në rajonin e Ferizajt