Biserko: Vuçiqi është delegjitimuar, s’mendoj se ka shanse të mbijetojë

Prishtinë 5 korrik 2025

Kryetarja e Komitetit të Helsinkit për të drejtat e njeriut ka shprehur bindjen se presidenti i Serbisë, Aleksandër Vuçiq, nuk ka shanse që të mbijetojë në pushtet dhe se për këtë arsye po i përdor dhunën dhe represionin ndaj studentëve. Tek e ka komentuar përdorimin e sloganeve nacionaliste, përfshirë edhe ato për Kosovën, gjatë protestave të kohëve të fundit në Serbi, Biserko ka theksuar se qytetarët serbë veçse janë ngopur me të këtilla mesazhe dhe se janë të vetëdijshëm që Kosova është e humbur.

Në intervistë për emisionin “Interaktiv” të KTV-së, Biserko teksa i ka komentuar zhvillimet rreth protestave studentore në Serbi ka theksuar se presidenti Vuçiq nuk ka shanse për të mbijetuar në pushtet dhe se për këtë arsye po i përdor dhunën dhe represionin ndaj studentëve.

E tek ka komentuar përdorimin e sloganeve nacionaliste, përfshirë edhe ato për Kosovën, gjatë protestave në Serbi, Biserko ka theksuar se qytetarët serbë veçse janë ngopur me të këtilla mesazhe.

“Disa mendojnë se publiku reagon në këto çështje, por s’jam aq e sigurt, sepse, për shembull, qytetarët e Serbisë janë të vetëdijshëm se Kosova është e humbur dhe se në Bosnjë-Hercegovinë nuk do të lejohet ndarja e Republikës Sërpska”, ka thënë ajo.