Nis protesta në Shkup në mbrojtje të krerëve të UÇK-së, pamje nga sheshi “Skënderbeu” (Lajm i përditësuar)

14:06

Një prani e shtuar e forcave speciale të Maqedonisë së Veriut është vërejtur sot në Shkup, vetëm pak metra larg binës ku po zhvillohet protesta gjithëkombëtare në mbrojtje të ish-krerëve të Ushtrisë Çlirimtare të Kosovës.

Pamjet nga vendi i ngjarjes të Indeksonline tregojnë një numër të konsiderueshëm të njësive speciale të dislokuara në afërsi të sheshit “Skënderbeu”, çka ka rritur tensionin dhe vëmendjen e qytetarëve të pranishëm.

Megjithatë, protesta po zhvillohet në mënyrë paqësore, me pjesëmarrje masive dhe mesazhe të fuqishme solidariteti.

___________________________________________________________________________

Shkup 12 dhjetor 2025 13:33

Qindra protestues kanë arritur në sheshin “Skënderbeu” në Shkup, para fillimit të protestës gjithëkombëtare në mbrojtje të ish-krerëve të Ushtrisë Çlirimtare të Kosovës.

Protesta e thirrur nga OVL-UÇK pritet të nisë nga ora 13:00 në sheshin “Skënderbe” në Shkup.

Ajo është përkrahur nga shumë figura politike, nisur nga kryetari i Bashkimit Demokratik për Integrim, Ali Ahmeti, i cili ka bërë thirrje për pjesëmarrje masive në tubimin e sotëm.

Protesta ka karakter paqësor, ndërsa kryeministri i Maqedonisë së Veriut, Hristijan Mickoski, tha se edhe pse nuk e përkrah protestën do të mundësojë siguri dhe mbarëvajtje të qetë të tubimit.

Lajmi në përditësim…