Vuçiq alarmon Perëndimin për ura, por hesht për personat e përfshirë në Banjska që e ruajten para presidences

Beograd 02 korrik 2025

Presidenti i Serbisë, Aleksadar  Vuçiç, mbrëmë është ankuar ndaj vendosjes së gurthemelit për ndërtimin e dy urave të reja mbi lumin Ibër. Madje këtë veprim legjitim të institucioneve të Kosovës ai e ka quajtur si akt poshtërimi dhe tentim për ta dëbuar popullin serb nga veriu.

“Sot pamë se bënë lloj-lloj gjërash, Albin Kurti vendosi themelet e dy urave, por nuk mori pëlqimin e serbëve dhe njerëz nga Mitrovica e Veriut për një gjë të tillë, dhe se kjo do të thoshte poshtërim i popullit serb”, tha ai.

“Kjo do të thotë eksod përfundimtar. Ne protestuam te fuqitë perëndimore. Ne të gjithë do të duhet të punojmë së bashku dhe të bashkohemi për të shpëtuar atdheun tonë”, tha Vuçiç pas vendosjes së gurthemelit për ndërtimin e dy urave mbi lumin Ibër në Mitrovicë, pranë urës kryesore.