Prishtinë, 26 nëntor 2025 08:39
Presidentja e Republikës së Kosovës, Vjosa Osmani, u ka bërë thirrje qytetarëve që jetojnë jashtë vendit dhe që mund të udhëtojnë drejt Kosovës gjatë festave të fundvitit, që të shmangin kalimin nëpër Serbi.
Këtë thirrje, presidentja e vendit e bëri gjatë pritjes së ish-policit të Kosovës, Arbnor Spahiu, i cili u lirua disa ditë më parë nga paraburgimi në Serbi, ku kishte qëndruar për muaj të tërë.
“Dje prita në takim ish-pjesëtarin e Njësisë Speciale të Policisë së Kosovës, Arbnor Spahiun, i cili është liruar nga paraburgimi në Serbi pas disa muajsh mbajtjeje peng. Arbnorit i urova gjithë të mirat pranë familjes së tij dhe një rikthim sa më të lehtë në normalitet.
Qytetarëve tanë që jetojnë jashtë Kosovës dhe që mund të udhëtojnë drejt vendit, sidomos gjatë festave të fundvitit, u bëj thirrje të shmangin kalimin nëpër Serbi, pasi atje vazhdojnë të jenë në pushtet struktura që nuk dallojnë në mendësi nga regjimi i kaluar serb”, ka shkruar në Facebook presidentja e Republikës së Kosovës.
Inspektorati ashpërson kontrollet: Asnjë punim pa respektuar standardet e sigurisë 
Sveçla: Në varrezën masive në Jabukë, janë gjetur të paktën katër trupa 
Kurti u dërgon ftesë për takim partive politike 
Sveçla dhe Krasniqi vizitojnë vendin ku dyshohet për varrezë masive në Jabukë 
Vlahoviq: Gjuha e Daçiqit është thirrje për linçim dhe justifikim i krimeve 
Kurti takohet Selën, diskutojnë për projektet infrastrukturore si rruga Prizren – Tetovë dhe Bllacë – Shkup 
Flakët përfshijnë shtëpinë e familjes së rikthyer pas 27 vitesh në Zveçan, Policia: Po hetojmë shkaqet