Prishtinë 15 Nëntor 2025. 13:39
Në Selanik është nënshkruar sot Memorandumi i Bashkëpunimit mes Unionit të Turizmit të Kosovës (UTK) dhe Federatës Greke të Turizmit FedHATTA, duke hapur një kapitull të ri në marrëdhëniet turistike mes Kosovës dhe Greqisë.
Sipas njoftimit të UTK, Memorandumi synon të forcojë partneritetin profesional ndërmjet dy organizatave dhe të krijojë baza të qëndrueshme për zhvillimin e përbashkët të sektorit të turizmit.
“Marrëveshja përfshinë rritjen e bashkëpunimit profesional, zhvillimin e paketave të përbashkëta turistike, shtimin e fluksit të turistëve në të dy vendeve si dhe organizimin e panaireve, eventeve B2B dhe aktiviteteve promocionale të përbashkëta”, thuhet në njoftim.
Kjo arritje thuhet se u mundësua falë angazhimit të Unionit të Turizmit të Kosovës, si dhe mbështetjes së Ambasadorit të Kosovës në Greqi, Fitim Gllareva, dhe Ministrisë së Punëve të Jashtme dhe Diasporës.
Tutje theksohet se Memorandumi konsiderohet një hap i rëndësishëm për industrinë e turizmit dhe një sinjal i qartë pozitiv në përmirësimin e marrëdhënieve dypalëshe mes Kosovës dhe Greqisë.
Rutte: Kosova është partner i rëndësishëm i NATO-s 
Haxhiu: Dhuna seksuale gjatë luftës, krim i rëndë 
ZKA zbulon shkelje në Mitrovicën e Veriut: Mbi 25 mijë euro të hyra të humbura dhe gabime në leje ndërtimi 
Koha e ujit falas në veri të Kosovës po mbaron pas gati tre dekadash 
Ministria kundërshtoi vendimin e Kuvendit Komunal të Mitrovicës Veriore për të hequr tabelën “E dua Mitrovicën” 
Dëshmitari nga Britania e shtyn gjykimin për krime lufte kundër Jusuf Shujak 
Xhaka me golin e parë në Botëror vulos fitoren e thellë 
Sveçla: Lufta kundër krimit vazhdon pa kompromis 
Maqedonci: Kosova në krah të aleatëve për paqen dhe sigurinë globale 
Prokuroria dhe Policia godasin rrjetin e dyshuar të narkotikëve, sekuestrohen 60 kilogramë marihuanë