Prishtinë, 12 nëntor 2025 10:10
Një projekt kinematografik i fuqishëm që rikthen kujtimin e masakrës së Reçakut dhe tërë luftës në Kosovë është në rrugë për t’u realizuar.
Filmi pritet të mbledhë dhjetëra aktorë të njohur ndërkombëtarisht, përfshirë legjendën e Hollivudit, Robert De Niro, duke i dhënë kësaj historie një zë global.
Këtë lajm emocionues e bëri të ditur producenti nga Kosova, Fitim Krasniqi, për gazetarin Blendi Fevziu, duke theksuar se ky film synon të tregojë vuajtjet dhe sakrificat e popullit kosovar, përfshirë historinë e babait të tij i cili u dogj i gjallë.
“Babanë e plagosën dhe e dogjën të gjallë. Filmi do të jetë edhe historia e tij, shumë aktorë do të marrin pjesë, besoj edhe Robert De Niro, të gjitha kontratat janë nënshkruar, dhe e ka pranuar me shumë kënaqësi”, tha Krasniqi.
Ai njoftoi se xhirimet do të fillojnë vitin që vjen pasi theksoi se oraret e aktorëve janë të ngjeshura.
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës