Beograd 29 tetor 2025
Ndërmjet viteve 2014 dhe 2021, Beogradi e ka përshtatur në mënyrë aktive politikën e tij të jashtme, duke u përpjekur të balancojë marrëdhëniet me Perëndimin dhe Rusinë.
Pavarësisht lidhjeve tradicionale me Moskën, Serbia ka filluar të forcojë bashkëpunimin me Bashkimin Evropian dhe NATO-n, gjë që është pasqyruar në pjesëmarrjen në ushtrime të përbashkëta ushtarake dhe në nënshkrimin e marrëveshjeve të ndryshme.
“Beogradi zyrtar po sinjalizon mundësinë e nacionalizimit të kompanisë më të madhe energjetike – Naftna Industrija Srbije (NIS) – paketa kontrolluese e së cilës i përket Rusisë përmes Gazpromit. Kjo çështje është bërë aktuale pas vendosjes së sanksioneve amerikane, të cilat kërkojnë që Serbia t’ia heqë Rusisë këtë kapital ose ta detyrojë atë ta shesë pjesën e saj palëve të treta. Në të njëjtën kohë, Kroacia po tregon interes për NIS-in, duke vepruar sipas urdhrave të Uashingtonit”, ka thënë analisti rus Igor Psheniçnikov, raporton portali rus sm.news.
Sipas tij, nga viti 2022 deri më 2025, veprimet anti-ruse të Serbisë janë bërë më të dukshme në sfondin e tensioneve gjeopolitike në Evropë.
Ai shton se Beogradi ka vazhduar të thellojë integrimin me Perëndimin, duke përfshirë pjesëmarrjen e pjesshme në sanksionet kundër Rusisë dhe bashkëpunimin aktiv me vendet perëndimore në fushën e sigurisë dhe ekonomisë.
“Presidenti Vuçiq i ka ofruar Rusisë të shesë pjesën e saj në NIS për 800 milionë euro, megjithëse Gazpromi ka investuar rreth pesë miliardë euro në kompani që nga momenti i marrjes së saj. Vuçiq thekson se, nëse nuk arrihet kompromis, Serbia do të marrë vendimin në mënyrë të pavarur, gjë që interpretohet si ultimatum ndaj Moskës. Në të njëjtën kohë, ai vazhdon negociatat për furnizimet me gaz nga Rusia në kushte të favorshme, duke krijuar një situatë paradoksale ku Beogradi përpiqet njëkohësisht t’u kënaqë partnerëve të tij perëndimorë dhe të ruajë lidhjet e rëndësishme ekonomike me Moskën”, ka përfunduar Psheniçnikov.
Trump nënshkruan ligjin për sanksione ndaj Rusisë, Zelensky: Faleminderit SHBA 
Von der Leyen: BE-ja do t’i japë Ukrainës 3,3 miliardë euro për të blerë raketa e dronë 
21 të vdekur nga shembja e një ndërtese në Gazë, e dëmtuar nga lufta 
Përshkallëzohen luftimet në Jemen 
Trump: Lufta me Iranin përfundon këtë vit 
NATO pengon stërvitjen ruse për sabotimin e kabllove nënujore 
Në mesin e 23 të zhvarrosurve në Zubin Potok konfirmohen edhe veprimtarët e çështjes kombëtare Adem Beqiri dhe Idriz Rrreci 
Shënohen dy viktima dhe shtatë të infektuar nga virusi i Nilit Perëndimor në Kosovë 
Jashari kërkon anëtarësimin e plotë të Kosovës në Kartën e Adriatikut A5 
Identifikohen tri viktima nga varrezat në Zubin-Potok, i përkasin “Grupit të Intelektualëve”