Mitrovicë e Veriut, 28 tetor 2025
Komisioni Qeveritar për Persona të Zhdukur ka njoftuar se në Mitrovicë të Veriut janë hasur mbetje mortore, që dyshohet se mund t’u përkasin viktimave të luftës.
“Sot, më 28 tetor 2025, qytetarë dhe përgjegjës të mirëmbajtjes së varrezave në veri të Mitrovicës kanë hasur në eshtra (mbetje mortore) që potencialisht mund t’iu përkasin viktimave të luftës,” thuhet në njoftim.
Për rastin është njoftuar menjëherë Policia e Kosovës, ndërsa në vendin e ngjarjes ka dalë ekipi i përbashkët i përbërë nga Komisioni Qeveritar për Personat e Zhdukur, Drejtoria për Hetimin e Krimeve të Luftës dhe Instituti i Mjekësisë Ligjore.
“Pas marrjes së informacionit, në vendngjarje ka dalë ekipi i përbashkët i përbërë nga Komisioni Qeveritar për Personat e Zhdukur, Drejtoria për Hetimin e Krimeve të Luftës dhe Instituti i Mjekësisë Ligjore. Ekipi ka bërë verifikimin fillestar dhe, pas konstatimit nga eksperti mjeko-ligjor, janë ndërmarrë procedurat për tërheqje,” thuhet më tej.
Komisioni Qeveritar për Personat e Zhdukur ka shprehur mirënjohje dhe vlerësim të lartë për bashkëpunimin me qytetarët, duke theksuar se raportimet e tyre janë të një rëndësie të veçantë për ndriçimin e fatit të personave të zhdukur.
“Ky bashkëpunim mbetet thelbësor për zbardhjen e fatit të çdo personi të zhdukur,” përfundon njoftimi.
Në mesin e 23 të zhvarrosurve në Zubin Potok konfirmohen edhe veprimtarët e çështjes kombëtare Adem Beqiri dhe Idriz Rrreci 
Shënohen dy viktima dhe shtatë të infektuar nga virusi i Nilit Perëndimor në Kosovë 
Identifikohen tri viktima nga varrezat në Zubin-Potok, i përkasin “Grupit të Intelektualëve” 
Reagojnë familjarët e viktimave të luftës 
Paraqiten katër kërkesa në protestën e organizuar nga Organizata e Veteranëve të Luftës së UÇK-së 
Nis protesta në sheshin e Prishtinës, në mbështetje të ish-pjesëtarëve të Ushtrisë Çlirimtare të Kosovës 
Jashari kërkon anëtarësimin e plotë të Kosovës në Kartën e Adriatikut A5