Shtyhet për herë të 38-të seanca konstituive e Kuvendit – pritet takimi i Kurtit me partitë

Prishtinë, 27 Qershor 2025

Seanca konstituive e Kuvendit të Kosovës u shty sërish, pasi partitë u dakorduan të presin takimin e thirrur nga Albin Kurti më 28 qershor, për të diskutuar daljen nga bllokada institucionale.

Kjo është hera e 38-të që dështojnë përpjekjet për konstituimin e Kuvendit, për shkak të mosmarrëveshjeve mbi mënyrën e votimit të kryetarit.

Gjykata Kushtetuese u ka dhënë afat deputetëve 30 ditë për ta përfunduar konstituimin, por partitë kanë interpretime të ndryshme për aktgjykimin. LVV mbron votimin e fshehtë dhe propozon Albulena Haxhiun, ndërsa opozita e kundërshton këtë formë dhe e akuzon Vetëvendosjen për keqinterpretim të Kushtetutës.

Seanca e radhës është caktuar për 29 qershor.