Prishtinë 22 Tetor 2025
Gjykata Themelore në Prishtinë ka dënuar Nenad Milkoviq dhe Aleksandar Llaziq me nga gjashtë muaj burgim, dënim i cili u është zëvendësuar me gjobë prej 4,000 eurosh për secilin, për akuzat e huliganizmit dhe pjesëmarrjes në turmë në veri të Kosovës në vitin 2021.
Të dy të pandehurit pranuan fajësinë një ditë më parë, ndërsa katër të tjerët të akuzuar – Sreqko Sofronijeviq, Ilija Viqentijeviq, Millan Viqentijeviq dhe Marko Rakiq – nuk e pranuan përgjegjësinë.
Në rast se të dënuarit nuk do të paguajnë gjobën, dënimi me gjobë do t’u zëvendësohet me dënim me burgim.
Prokuroria i akuzon ata se në tetor të vitit 2021 sulmuan zyrtarët policorë të Kosovës duke përdorur gurë, shufra druri dhe metali, si dhe granata dore. Sipas aktakuzës, të gjashtë të akuzuarit vendosën barrikada për t’u zënë pritë policëve, ku mjetet e blinduara të Policisë u goditën me armë zjarri dhe granata dore, duke plagosur tre oficerë policie.
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës