AAK-ja i miraton 11 kandidatë për kryetarë të komunave

Këshilli i Përgjithshëm i Aleancës për Ardhmërinë e Kosovës, në mbledhjen e mbajtur sot, ka miratuar me vota unanime një pjesë të kandidaturave për zgjedhjet lokale të tetorit.

Sipas njoftimit zyrtar, në mbledhjen e sotme janë zyrtarizuar 11 kandidatë të Aleancës për kryetarë komunash në zgjedhjet që pritet të mbahen në tetor 2025.

Kandidaturat e miratuara janë si më poshtë:

• Nazim Gagica – Gjilan

• Besnik Krasniqi – Prizren

• Xhemile Murati – Ferizaj

• Qazim Nimani – Mitrovicë

• Faton Jakupi – Kamenicë

• Ukë Blakaj – Istog

• Agron Kuçi – Junik

• Vildane Latifi – Fushë Kosovë

• Baki Feta – Podujevë

• Labinot Bislimi – Viti

• Ilir Tasholli – Lipjan

Kjo parti bëri me dije se ditëve në vijim do t’i zyrtarizojnë edhe kandidaturat për komuna të tjera, derisa tha se “procesi po zhvillohet me ritëm të mirë në shumicën e komunave”.

Aleanca për Ardhmërinë e Kosovës në Prishtinë do të garojë me deputetin e kuvendit Bekë Berisha.