Arrestohet një person për veprën penale “Sulm seksual” në Mitrovicë të Veriut

Mitrovicë Veri , 24 Qershor 2025

Më datën 24.06.2025 rreth orës 11:50, në Stacionin Policor në Mitrovicën e Veriut është raportuar një rast i sulmit seksual.
Sipas raportimit, rasti ka ndodhur në një dyqan që gjendet në rrugën “Knjaz Miloš”, Mitrovicë Veri ku i dyshuari pasi kishte hyrë në dyqan dyshohet se përmes veprimeve të tij ka sulmuar seksualisht një punonjëse të dyqanit.
I dyshuari, N.A. 57 vjeç është arrestuar nga njësitë policore dhe është shoqëruar në stacionin policor. Të dyshuarit i është bërë alkool testi ku ka rezultuar pozitiv me 0.8‰.
I dyshuari me pas është intervistuar në praninë e avokatit mbrojtës dhe me vendim të prokurorit të shtetit, ndaj tij është caktuar masa e ndalimit prej 48 orësh.
Ftojmë të gjithë qytetarët që të mos heshtin përballë ngacmimeve apo sulmeve seksuale, por të reagojnë dhe të raportojnë, për të ndihmuar në krijimin e një mjedisi më të sigurt dhe më të dinjitetshëm për të gjithë.
Raportimi mund të bëhet në disa forma:
– Përmes numrit pa pagesë 192,
– Nëpërmjet aplikacionit “Lajmëro Policinë”,
– Apo duke u paraqitur në çdo stacion të Policisë së Kosovës.