Kandidati i Listës Serbe për kryetar të Zubin Potokut dyshohet për përfshirje në sulmin e Banjskës?

Zubin Potok, 26 shtator 2025

Kryetari aktual i Zubin Potokut, Izmir Zeqiri, në një prononcim për Tëvë1, ka deklaruar se kandidati i Listës Serbe për kryetar të Zubin Potokut, Millosh Peroviq, dyshohet të jetë i përfshirë në sulmin terrorist në Bansjkë të Zveçanit, në shtatorin e vitit 2023.

Zeqiri thotë se Peroviq është person i afërt më Milan Radojqiç, dhe njeriu kryesor në Listën Serbe.

“Millosh Peroviq është një sejmen të themi i atyre linjave të kryeterroristit të Radojiciqit sepse edhe më përpara kanë qenë në një linjë si bashkëpunëtorë. Unë e shoh si një njeri të komprometuar në afera të ndryshme korruptive, të keqbërjes ndaj qytetarëve, megjithatë, kjo është çështje e organeve të drejtësisë që të merren me të. Mirëpo si përfaqësues i Lista Serbe nuk ka ndonjë ndryshim pozitiv, qasja e Listes Serbe është në kundërshtim me të gjitha  normal ligjore edhe procedurale të ligjeve të Republikës së Kosovës”, deklaroi Zeqiri.

Veç kësaj, ai thotë se edhe kandidatët tjerë në listën e kësaj partie serbe, të cilën e mbështet edhe Beogradi zyrtar, janë të afërt me kryeterroristin Radojqiç.

“Ky ka qenë edhe në parlament nga radhët e Listes Serbe nga komuna e Zubin Potokut ka qenë bashkëpunëtor i gjithë asaj linje të Radojiciqit të siemenëve të tyre kur e shoh edhe listën për asamble që e kanë në krye me bartësin e Listes Serbe Sergjan Vulloviq janë të njëjtit janë linja e njëjtë”, ka deklaruar Zeqiri.