Prishtinë, 26 shtator 2025
Në Javën e Modës në Milano, u prezantua një koleksion kushtuar xhubletës shqiptare i realizuar nga Moralda Durra dhe i titulluar “Një mijë e një fije”.
Ky koleksion është një homazh bashkëkohor për xhubletën, veshjen më të hershme shqiptare që sjell në kujtesë fillesat e trashëgimisë sonë kulturore.
Kështu, xhubleta shqiptare prezantohet në sfilatën e organizuar në hotelin Four Seasons, të Milanos.
Koleksioni me titull “Një mijë e një fije” ishte fituesi i çmimit të parë në Muza Competition 2025, e organizuar në muajin korrik, projekt i mbështetur nga Ministria e Ekonomisë, Kulturës dhe Inovacionit.
Koleksioni i Moralda Durrës është i ndërtuar kryesisht me shajak të zi, një lloj stofi prej leshi, dhe e zbukuruar me gajtanë (kordonë të hollë) të bërë me fije leshi të zi. Ky koleksion riinterpreton thelbin e xhubletës përmes një lenteje të papërpunuar, moderne dhe konceptuale. Në vizionin e stilistes, çdo fije e këtij koleksioni lidh gratë e shoqërisë së hershme shqiptare me ato bashkëkohore.
Xhubleta shqiptare u shpall në vitin 2022, trashëgimi kulturore botërore e mbrojtur nga UNESCO.
Ministria e Kulturës ndan afro 200 mijë euro për restaurimin e Përmendores së Minatorëve në Mitrovicë 
Troja Bicurri triumfon në “Akordet e Kosovës”, vlerësim për brezin e ri 
Nis nata e parë “Akordet e Kosovës” 
Tre filma kosovarë njëkohësisht në kinema, shenjë e zhvillimit të kinematografisë vendore 
Akordet e Kosovës” gati për tri net muzikore, në skenë edhe talentet e rinj 
Kosova dhe Hungaria thellojnë bashkëpunimin në fushën e bibliotekave 
Dëshmitari në gjykatë: Pantiqi dhe Zariqi ishin të përfshirë në krimet në Istog 
Koeficienti i pagave pritet të rritet në 120 euro nga korriku i vitit 2027, paralajmëron Kurti 
Spajiç kërkon hetim parlamentar për ndikimin e mundshëm të Serbisë në mediat dhe bizneset e Malit të Zi 
Pantiqi merret në pyetje nga Prokuroria për rastin e Ukshin Hotit