Preshevë, 24 shtator 2025
Deputeti shqiptar në Parlamentin e Serbisë, Shaip Kamberi, ka deklaruar se Lugina e Preshevës ka nevojë urgjente për mbështetje të fuqishme politike dhe diplomatike në qarqet ndërkombëtare.
Teksa ka shprehur shqetësimin e tij për kërkesat që nuk po marrin drejtim të duhur dhe nuk po gjejnë zbatim real, ai ka bërë thirrje që të respektohet “Plani shtatë pikësh”.
“Duke pasur parasysh se OSBE, delegacioni i BE-së në Beograd dhe Ambasada e SHBA-së kanë qenë ndërmjetësues dhe mbështetës të procesit të miratimit të ‘Planit me shtatë pika’, u jemi drejtuar edhe këtyre përfaqësive diplomatike me kërkesën që, përmes ndikimit të tyre, të parandalojnë çdo proces devijues dhe manipulativ”, ka shkruar Kamberi në Facebook.
Ai tutje ka thënë se u është drejtuar edhe presidentit dhe kryeministri të Serbisë, duke theksuar qartë se për ta është e papranueshme çdo tentativë për të fituar kohë apo për të shtyrë zbatimin e obligimeve që dalin për Serbinë nga ky plan.
Kamberi ka bërë të ditur se me anë të një letre ka informuar edhe kryeministrin e Kosovës, Albin Kurti dhe atë të Shqipërisë, Edi Rama, duke kërkuar angazhim maksimal diplomatik për të ndaluar përpjekjet që po synojnë të relativizojnë dhe të zëvendësojnë procesin e dakorduar ndërkombëtarisht me iniciativa të njëanshme.
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe? 
Bajrami: Kosova meriton më shumë nga BE-ja 
Paunoviq mbron deklaratën për “spastrim etnkik” të Kosovës 
Qeveria miraton nismën për aderimin e Kosovës në zonën “EU Roam Like Home” 
Kurti: Formimi i institucioneve të reja është përgjegjësi e të gjitha partive politike 
Haxhiu cakton 6 gushtin për seancën konstituive të Kuvendit 
Mbi 1 mijë aplikantë më shumë se vitin e kaluar në Universitetin e Prishtinës 
Kurti: Nga 1 tetori nis faturimi i ujit në veri 
Kurti nga veriu: Asnjë kriminel nuk do të lejohet që të mbijetojë i pandëshkuar