Prishtinë 24 Shtator 2025
Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, ka zhvilluar një takim me ministrin e Jashtëm të Kroacisë, Gordan Grlić Radman, në Nju Jork, në kuadër të Asamblesë së Përgjithshme të OKB-së.
Në takim u diskutua për thellimin e bashkëpunimit dypalësh, përfshirë finalizimin e marrëveshjeve në proces si njohja e ndërsjellë e patentë-shoferëve, bashkëpunimi në shëndetësi, arsim dhe mbrojtje civile.
Palët ranë dakord për krijimin e një Komisioni të përbashkët për tregti dhe ekonomi, me synim që miqësia mes dy vendeve të reflektohet drejtpërdrejt në zhvillim për qytetarët, njofton MPJD.
Një pjesë e bisedës iu kushtua edhe përfshirjes së të rinjve në proceset demokratike.
Ministrja Gërvalla ka thënë se “forcimi i demokracisë kalon përmes përfshirjes së të rinjve”, duke nënvizuar përkushtimin e Kosovës dhe Kroacisë për t’i dhënë brezit të ri hapësirën që meriton.
Në fund të takimit, Gërvalla shprehu mirënjohje për mbështetjen e vazhdueshme të Kroacisë në shtetndërtimin e Kosovës, duke e konsideruar Zagrebin një partner të çmuar dhe mik të përhershëm.
Kurti: Aktgjykimi ndaj ish-krerëve të UÇK-së duhet të korrigjohet sa më parë 
Aktivistët në Serbi po i heqin grafitet “Kur ushtria të kthehet në Kosovë” 
Gjykata cakton paraburgim për dy të dyshuar për krime lufte 
Qelaj: Gjykata Speciale ka shkelur të drejtat e njeriut në rastin e ish-krerëve të UÇK-së 
Banka Botërore ndan 6.8 milionë dollarë shtesë për shëndetësinë në Kosovë 
Dorëhiqet drejtori i Përgjithshëm i Policisë së Kosovës, Gazmend Hoxha 
Kërcënohen me vrasje Ramush dhe Daut Haradinaj 
As serbët nga veriu i Kosovës nuk i dhanë mbështetje të plotë Aleksandar Vuçiçit