Prishtinë, 22 shtator 2025
Kryetari i Kuvendit të Kosovës, Dimal Basha i ka shprehur ngushëllime familjes, miqve dhe kolegëve të aktorit Enver Petrovci me rastin e vdekjes së tij.
Basha ka thënë se Kosova dhe arti shqiptar sot kanë humbur një nga figurat më të shquara të kulturës në Kosovë.
“Kosova dhe mbarë arti shqiptar sot humbën një nga figurat më të shquara të kulturës sonë. Enver Petrovci ishte dhe do të mbetet nga ikonat e spikatura të skenës dhe ekranit shqiptar, një aktor me shpirt të madh, me talent dhe me vepra të shumta që do të jetojnë ndër breza. Ai i dha jetë qindra personazheve, por mbi të gjitha i dha frymë teatrit, kinematografisë dhe artit tonë kombëtar, duke lënë gjurmë të pashlyeshme në kujtesën tonë popullore.
Me këtë rast, në emër të Kuvendit të Republikës së Kosovës u shpreh ngushëllimet më të sinqerta familjes Petrovci, miqve dhe kolegëve të të ndjerit, dashamirëve të artit dhe mbarë komunitetit artistik”, ka shkruar Basha në Facebook.
Sveçla dhe Krasniqi vizitojnë vendin ku dyshohet për varrezë masive në Jabukë 
Vlahoviq: Gjuha e Daçiqit është thirrje për linçim dhe justifikim i krimeve 
Kurti takohet Selën, diskutojnë për projektet infrastrukturore si rruga Prizren – Tetovë dhe Bllacë – Shkup 
Hashim Thaçit i refuzohet dorëzania prej 50 mijë eurosh, i vazhdohet paraburgimi 
IML dhe EULEX-i në Jabukë pas njoftimit të Prokurorisë Speciale për zhvarrim 
Ligji uli dallimet në çmimet e barnave në Kosovë