Specialja planifikon që më 14 dhjetor ta mbyllë procesin ndaj Thaçit dhe të tjerëve

Hagë, 02 shtator 2025

Trupi gjykues në çështjen ndaj ish-eprorëve të UÇK-së e ka caktuar 14 nëntorin e këtij viti si datë të synuar për përfundimin e paraqitjes së provave nga ekipet mbrojtëse. Në njoftimin e gjykatës, më 2 shtator, thuhet se trupi gjykues i ka informuar palët që të përgatiten për të dorëzuar dosjet e tyre përfundimtare deri më 22 dhjetor 2025.

“Vendimi përcakton gjithashtu afatet shtesë dhe udhëzimet procedurale për pjesën tjetër të çështjes së Mbrojtjes”.

Prokuroria e ka mbyllur çështjen e saj në prill të këtij viti ndërkohë, më 15 shtator do të nisë paraqitja e provave nga ekipet mbrojtëse.

“Trupi Gjykues caktoi 14 dhjetorin 2025 si datën e synuar për përfundimin e paraqitjes së provave prej ekipeve Mbrojtëse të Thaçit dhe Krasniqit, ose një javë pas dëshmitarit të fundit të Mbrojtjes, cilado që ndodh e para. Trupi Gjykues gjithashtu i informoi të gjitha palët që të përgatiten për të dorëzuar dosjet e tyre gjyqësore përfundimtare, si dhe deklaratën lidhur me ndikimin e krimeve të pretenduara në viktimat pjesëmarrëse në procedurat gjyqësore, para fillimit të pushimit dimëror të gjykatës më 22 dhjetor 2025”, thuhet në njoftimin e gjykatës, të publikuar më 2 shtator.