29 gusht, 2025
Ekipi i shoqatës ndërkombëtare nga Sllovakia “TransKarpatia”, e cila merret me analiza të rrethanave shoqërore dhe politike në Evropën Qendrore dhe Juglindore, javën e kaluar qëndroi për vizitë në Kosovë. Kjo ishte vizita e tyre e parë në rajon, ndërsa për portalin tonë ndanë përshtypjet dhe vërejtjet e tyre.
Gjatë turneut rajonal, ata vizituan edhe Bosnjën dhe Hercegovinën, Malin e Zi dhe Shqipërinë, por siç theksojnë, Kosova u ka bërë më shumë përshtypje.
Siç thanë ata, Kosova i priti me shumë kontraste – nga infrastruktura moderne në zonat urbane, deri te problemet e dukshme në vendbanimet më të vogla. Vëmendje të veçantë i kushtuan veriut të vendit, ku zhvilluan biseda me popullsinë lokale, përfaqësues të institucioneve, por edhe me të rinjtë.
“Ajo që na befasoi më së shumti ishte energjia e të rinjve. Përkundër tensioneve politike, ata dëshirojnë të qëndrojnë këtu dhe të ndërtojnë jetën e tyre. Ky është një sinjal shumë i rëndësishëm për të ardhmen e Kosovës”, thanë anëtarët e ekipit.
Ata theksuan gjithashtu se janë të pranishme vështirësi të shumta, nga pasiguria ekonomike deri te paqëndrueshmëria politike, por se rajoni ka potencial, sidomos në fushën e turizmit dhe bashkëpunimit ndërkufitar.
“Për shumëkënd, Kosova ende mbetet e panjohur. Qëllimi ynë është t’i afrojmë realitetet nga terreni opinionit më të gjerë evropian, pa stereotipe dhe paragjykime”, u shprehën nga “TransKarpatia”.
Siç paralajmërojnë, së shpejti do të publikojnë edhe një raport të veçantë për Kosovën, me fokus në jetën e përditshme të njerëzve dhe mundësitë e zhvillimit në të ardhmen.
Familjarët e të pagjeturve mirëpresin nisjen e gërmimeve në Zubin Potok 
Sveçla, nga Zubin-Potoku: Nuk do të ndalemi deri në gjetjen e trupit të fundit 
Instituti i Mjekësisë Ligjore: Mbetjet mortore në Zubin-Potok janë të njerëzve, puna do të vazhdojë 
Gjenden mbetje mortore, dyshohet se janë të 23 intelektualëve shqiptarë të zhdukur gjatë luftës në Kosovë 
Marrëveshje bashkëpunimi mes ministrive, FSK pjesë e aksioneve për ambient të pastër 
Njësitet e Policisë, EULEX-it në lokacionin e dyshuar për varrezë masive në Kalludër të Zubin Potokut 
Drita kualifikohet në raundin e tretë të Conference League 
Kongresisti Wilson i kërkon Serbisë t’i ndalë kërcënimet ndaj Kosovës dhe të shkëputet nga Rusia, Kina e Irani