Mitrovicë Jugore, 26 Gusht 2025
Policia në Mitrovicën e Jugut ka nisur një fushatë vetëdijesimi për rrezikun e tejkalimit në vijë të plotë, duke shpërndarë fletushka informuese dhe duke përdorur dronë për të identifikuar shkelësit e rregullave të trafikut.
Drejtoria Rajonale e Policisë në Mitrovicën e Jugut, thote se në vazhdimësi është duke ndërmarrë masa për të ngritur sigurinë në trafikun rrugor dhe parandalimin e aksidenteve në trafik.
Me qëllim të sensibilizimit të shoferëve për rreziqet e tejkalimit në vijë të plotë, policia në Mitrovicë po realizon fushatën me moton “Mos tejkalo në vijë të plotë”.
“Kjo fushatë, në fokus ka vetëdijesimin e shoferëve për rrezikun qe paraqet tejkalimi në vijë të plotë pasi që një veprim i tillë rrezikon drejtpërdrejt shoferin që ndërmerr një veprim të tillë por edhe pjesëmarrësit tjerë në trafik duke rrezikuar shkaktimin e aksidenteve me pasoja të rënda”, thuhet në njoftim.
Në kuadër të fushatës, zyrtarët policorë në tërë rajonin e Mitrovicës së Jugut po shpërndajnë fletushka në të cilat theksohen pasojat ligjore të këtyre kundërvajtjeve, si dhe u japin udhëzime shoferëve për parandalimin e tyre.
Gjithashtu, zyrtarët policorë operojnë edhe me dron për të identifikuar shoferët të cilët shkaktojnë këto kundërvajtje. Ata shoferë që nuk u përmbahen rregullave të trafikut do të ndëshkohen me gjoba konform autorizimeve dhe dispozitave ligjore.
Shtrirje e institucioneve të Kosovës në veri, Kompania e Ujësjellësit “Mitrovica” vendoset në Leposaviq bashkë me flamurin e Republikës 
Mitrovica mbështet 47 klube sportive me mbi 176 mijë euro subvencione 
Rreth 90% e sipërfaqeve të mbjella u dëmtuan nga breshëri i fuqishëm që goditi dje Istogun 
MAPL nuk lejon realizimin e muralit të ish-Patriarkut serb, Pavle, në hapësirën publike në Mitrovicë të Veriut 
Podujeva me zonë të re ekonomike, nënshkruhet marrëveshja për Parkun e Përgjithshëm, me mbi 3 milionë euro investim 
Fillon nënshkrimi i peticionit `për një Ferizaj pa Uroshevac` 
Hetime për mashtrim me importin e veturave, sekuestrohen pesë automjete në Vushtrri 
Momir Jakshiq dhe Miljko Bishevac, të arrestuarit e sotëm si të dyshuar për krime lufte 
Arrestohen dy persona në Zubin-Potok, dyshohet se gjatë luftës kanë vrarë 23 civilë shqiptarë