U miratuan Statuti, stema dhe flamuri i Komunës së Zubin Potokut

Zubin Potok, 25 gusht 2025

Në seancën e jashtëzakonshme të Kuvendit Komunal të Zubin Potokut, u miratua statuti i ri komunal, si dhe propozimet për stemën dhe flamurin. Vendimi u mor me shumicën e votave të këshilltarëve të pranishëm.
Në seancë ishin të pranishëm14 këshilltarë, 11 prej tyre votuan për statutin dhe stemën dhe flamurin e ri, ndërsa tre abstenuan.
Në seancë morën pjesë edhe vëzhgues të sektorit civil dhe gjithçka u miratua brenda afatit të caktuar.
Statuti, stema dhe flamuri u diskutuan më parë në dëgjimin publik të mbajtur më 8 gusht. Propozimi që u paraqit nga udhëheqja komunale në atë kohë, dhe që u miratua sot në seancë, përmban një stemë në formën e një mburoje dhe një fortese, dhe përfshin gjithashtu malin Mokra Gora me diellin që lind, pranë urës mbi liqenin Ujman. Sfondi i stemës është i bardhë.
Siç është shpjeguar më parë nga kryetari i Komunës së Zubin Potokut, Izmir Zeqiri, stema është punuar nga punonjës të komunës së Vushtrrisë, me të cilën kanë një marrëveshje bashkëpunimi në situata kur Komuna e Zubin Potokut nuk ka kapacitetin e vet për një temë të caktuar.